Sentyabrın 15-dən etibarən AFFA tərəfindən məşqçilər üçün UEFA-nın Pro kateqoriyalı Lisenziya kursu təşkil olunacaq. Modullar şəklində keçiriləcək kurs bir mövsümü əhatə edəcək. Kursa AFFA-nın Təhsil proqramının rəhbəri Aslan Kərimov rəhbərlik edəcək.
Kursda iştirak etmək üçün aşağıdakılar tələb olunur:
1. Ərizə
2. Şəxsiyyət vəsiqəsinin surəti
3. Sağlamlıq haqqında arayış
4. 2 ədəd şəkil (3x4)
5. Minimum yaş həddi: 30
6. A lisenziyası qüvvədə olmalıdır (müddətin uzadılmasından 3 ildən az müddət keçməlidir)
7. A lisenziyasını ən azı “3” qiyməti ilə almış olmalıdır
8. A lisenziyası və diplomun surəti
9. Premyer Liqa, I Liqa klublarında, Premyer Liqa klublarının əvəzedici komandalarında və ya milli komandalarda ən azı 2 illik iş təcrübəsi
Qeydlər:
Sənəd qəbulu 22.07 - 12.08.2024 tarixlərində Texniki Departamentdə aparılacaq. Sənədləri təqdim edən namizəd AFFA-da anket doldurmalıdır. Sənəd təqdim edənlərin arasından 10 nəfər seçiləcək.
Kurs ərzində iştirakçı öz maddi vəsaiti hesabına 3 praktika keçməlidir: 1 praktika hazırlıq dövründə, 2 praktika Qərbi Avropa klublarında (həftəlik dövr).
Kursda iştirak üçün ödənişin məbləği 4000 manatdır. Ödəniş nağd və ya köçürmə yolu ilə aparıla bilər.
Əlaqələndirici şəxs: Anar Şıxəliyev
Əlaqə telefonu: +994 12 404 27 77; daxili: 1268
E-mail: [email protected]
Həftənin I-V günləri saat 09:00-dan 17:00-dək müraciət etmək olar.
