Bu isti havalarda əlavə ətirdən istifadə etmək zərurət kimi görünsə də, həqiqətən tər qoxusu olmayan bir qrup insan var.
Medianews.az lent.az-a istinadən xəbər verir ki, çox nadir insanlarda tərlədikdən sonra bədənindən heç bir tər qoxusu gəlmədiyi müşahidə olunur.
Aparılan araşdırmalar göstərib ki, bu cür insanlar ABCC11 gen mutasiyasına malik insanlardır və bu genə sahib olan insanlarda bədən qoxusu demək olar ki, əmələ gəlmir.
ABCC11 mutasiyası ən çox yaponlar, çinlilər və koreyalılar arasında rast gəlinir. Filippində də bu mutasiyaya rast gəlmək mümkündür.
2010-cu ildə “Journal of Investigative Dermatology”-də dərc edilən bir araşdırmaya görə, Şərqi Asiyalıların əksəriyyətində bu mutasiya olsa da, Avropa və Afrika əhalisinin yalnız 3 faizində bu mutasiyaya ast gəlmək mümkündür.
