Hürriyyət.az DPA-ya istinadən xəbər verir ki, NATO üzv ölkələri Ukraynaya hərbi yardım göstərməklə bağlı çoxillik vədlə bağlı razılığa gələ bilməyiblər.
Mənbələrin bildirdiyinə görə, alyansın üzvləri Kiyevə 2025-ci ildə təxminən 40 milyon avro yardım ayırmaq barədə razılığa gəliblər. Xəbər agentliyi bəyan edib ki, NATO-nun baş katibi Yens Stoltenberq “müttəfiqləri Ukraynaya dəstək vermək üçün çoxillik maliyyə vədini öhdəsinə götürə bilmir." deyib.
NATO üzvləri hər ölkənin təxminən 40 milyard avro dəyərində yardım paketinə hansı payı verəcəyi ilə bağlı razılığa gələ bilmədilər. Agentlik bildirir ki, alyansın üzvləri hesablamalarda ÜDM-in nəzərə alınacağı ilə bağlı razılığa gəliblər.
Əvvəlcə Stoltenberq Vaşinqton sammitinə (9-11 iyul) qədər NATO üzvlərinin çoxillik maliyyə öhdəlikləri barədə razılığa gələcəyini gözləyirdi.
Bundan əvvəl NATO-nun baş katibi Kiyevə uzunmüddətli yardım üçün ildə 100 milyard dollar (təxminən 94 milyard avro) fond yaratmağı təklif etsə də, bu təşəbbüs NATO ölkələri arasında dəstək tapmadı. Məbləğ təxminən 40 milyard dollara (təxminən 37 milyard avro) endirildi. Stoltenberqin sözlərinə görə, bu, NATO ölkələrinin münaqişə başlayandan bəri hər il Kiyev üçün silaha xərclədiyi məbləğdir.
