Gürcüstan ABŞ-la münasibətləri bərpa etməyə hazır olduğunu bildirib

Gürcüstan ABŞ- la münasibətləri bərpa etməkdə qərarlıdır və qarşılıqlı addımlara ümid edir.

32gun.az TASS-a istinadən xəbər verir ki, bunu baş nazir İrakli Kobaxidze parlamentdə bildirib. 

"Gürcüstan hökuməti 2020-ci ildən sonra baş verən hadisələr fonunda məcburi hesab etdiyimiz Birləşmiş Ştatlarla münasibətlərin bərpasına töhfə verməkdə qərarlıdır", - baş nazir vurğulayıb.

Kobaxidze qeyd edib ki, Tbilisi Gürcüstanın münasibətlərin normallaşdırılması təşəbbüsündə ABŞ-ın qarşılıqlı addımlarına ümid edir.

O əlavə edib ki, ABŞ-la münasibətlərin dərinləşməsi Gürcüstan üçün strateji əhəmiyyət kəsb edir.

İyunun 11-də Kobaxidze bildirib ki, ABŞ-ın Gürcüstan rəhbərliyinə qarşı sanksiyaları təhqiramizdir və ölkələr arasında tərəfdaşlıq ruhuna uyğun gəlmir.

Ayxan