ABŞ-nin Moskvadakı səfiri Lin Treysi Sevastopoldakı terror aktına görə Xarici İşlər Nazirliyinə çağırılıb.
Musavat.com Rusiya mətbuatına istinadən xəbər verir ki, ABŞ-nin Moskvadakı səfiri Rusiya Xarici İşlər Nazirliyinə çağırılıb və ona Sevastopoldakı terror aktına görə demarş verilib.
“Rusiyaya qarşı hibrid müharibə aparan və faktiki olaraq münaqişə tərəfinə çevrilən ABŞ-nin Ukrayna Silahlı Qüvvələrini ən müasir silahlarla təmin etdiyi vurğulanıb. Sevastopol sakinlərinin ATACMS raketləri ilə hədəfə alınması və uçuş tapşırıqlarının tətbiqi amerikalı hərbi mütəxəssislər tərəfindən həyata keçirilir. Odur ki, bu vəhşiliyə görə onlar da Kiyev rejimi ilə bərabər məsuliyyət daşıyırlar”, - XİN-dən bildiriblər.
Moskva həmçinin bəyan edib ki, bu cür hərəkətlər “cəzasız qalmayacaq”.
Nigar HƏSƏNLİ,
Musavat.com
