"Sabah" Kristian da Silvayla yolları ayırıb.
Braziliyalı futbolçunun müqaviləsi yenilənməyib.
Da Silva "Sabah"ın ən yaxşılarından olduğu üçün onun komandada saxlanılmaması təəccüb doğurub.
Sportinfo.az xəbər verir ki, sportal.az-ın əldə etdiyi məlumata görə, ayrılığa səbəb braziliyalının yaşlı olması və zədə almaq riskidir.
Belə ki, 35 yaşlı futbolçunun dizində zədələr olub. Onun bu yaşda zədələnmə ehtimalı da kifayət qədər böyükdür.
Bütün nüansları götür-qoy edən "Sabah"onunla müqavilə müddətini yeniləməmək qərarına gəlib.
Baş məşqçi Krunoslav Renduliç onun mövqeyinə daha gənc futbolçunun alınmasına tərəfdar olduğunu bildirib.
