Cənubi Afrikanın şərqində fırtına 7 mindən çox evə ziyan vurub

İyunun ilk günlərində Cənubi Afrika Respublikasında baş verən fırtınanın ölkənin şərqindəki KwaZulu Natal əyalətində 7 mindən çox evə təsir etdiyi və 70 milyon dollardan çox maddi ziyana səbəb olduğu bildirilib.
Elchi.az xəbər verir ki, KwaZulu-Natal əyalət hökumətinin Kooperativ İdarəetmə və Ənənəvi İşlər Departamentinin sözçüsü Sboniso Mngadi mətbuata verdiyi açıqlamada əyalətdə 12 nəfərin həyatını itirdiyi fırtınanın qurbanlarını müzakirə edib.
Mngadi, fırtınanın 70 milyon dollardan çox maddi ziyana səbəb olduğunu təxmin etdiklərini söyləyib.
Fırtınada yolların, körpülərin, bələdiyyə binalarının, elektrik infrastrukturunun və məktəblərin ciddi şəkildə zədələndiyini qeyd edən Mngadi, “Davam edən qiymətləndirmələr indiyə qədər 7 mindən çox evin fırtınadan təsirləndiyini göstərir” deyib.
Mngadi, hökumətin xüsusilə fırtınadan ən çox zərər çəkən uThongathi bölgəsində fəlakət qurbanlarına humanitar yardım paylamağa davam etdiyini və şəxsiyyət sənədlərini itirənlərin yeni şəxsiyyətlər əldə edə bilmələri üçün 2 mobil ofis qurduqlarını ifadə edib.
Cənubi Afrika Respublikasının şərq və cənub sahillərini vuran tufanda KvaZulu-Natal əyalətində 12, Şərqi Keyp əyalətində 10 olmaqla ümumilikdə 22 nəfər həlak olub.Şayəstə Hüseynova

• ziyan
• Cənubi Afrika
• fırtına
• əyalət
• maddi ziyan
• KwaZulu Natal