"Zelenski gözləyir ki, sammit Ukraynaya müharibənin dayandırılmasında üstünlük verən əsas olacaq..."
"Sammitin yekun sənədində Rusiya qoşunlarının çıxarılması və Ukraynanın ərazi bütövlüyünün bərpası bəndləri daxil edilməyib..."
Sammitdə Ukrayna prezidenti Vladimir Zelenskinin sülh planı müzakirə ediləcək
Bu həftə İsveçrədə Ukraynada müharibə üzrə Qlobal sammit keçiriləcək.
Moderator.az xəbər verir ki, bu barədə "nv.ua" nəşri yazıb.
Məlumatda deyilir ki, birgə bəyanat layihəsinə Zelenskinin 10 bənddən ibarət sülh planının yalnız bəzi bəndləri daxil ediləcək.
Qeyd edilir ki, söhbət atom elektrik stansiyalarının təhlükəsizliyi, habelə bütün həbsdə olanların azad edilməsi və Rusiyaya deportasiya edilən ukraynalı uşaqların qaytarılmasından gedir.
Lakin yekun sənədə Rusiya qoşunlarının çıxarılması və Ukraynanın ərazi bütövlüyünün bərpası bəndləri daxil edilməyib.
Birgə bəyanat layihəsində qeyd edilir ki, bütün tərəflər sülhə nail olunmasında iştirak etməlidir və təcavüzkar ölkənin diskusiyalarda iştirakının vacibliyi qeyd edilir.
Diplomatik mənbələrin sözlərinə görə, Rusiya qoşunlarının çıxarılması və Ukraynanın təkid etdiyi digər bəndlər layihədən çıxarılıb.
Bu, Rusiya ilə əlaqələri olan bəzi Asiya və Yaxın Şərq ölkələrinin mövqeyinin nəzərə alınması üçün edilib.
Zelenski gözləyir ki, sülh sammiti Ukraynaya müharibənin dayandırılmasında üstünlük verən əsas olacaq.
İsveçrədə sülh sammiti - son xəbərlər
Yarısı Avropa ölkələri olan təxminən 90 ölkə və təşkilat Ukrayna üzrə sülh sammitində iştirak edəcəyini təsdiq edib.
Moskva sammitə dəvət edilməyib, lakin onun özü bəyan edib ki, sammitdə iştirak etməyəcək, çünki bu konfrans Rusiyanın rədd etdiyi sülh təkliflərinə əsaslanır.
Rusiyalılardan başqa, sammitdə Çin və ehtimal ki, Rusiyaya dost olan digər ölkələr də iştirak etməyəcək.
Bu tədbirdə BMT baş katibi də olmayacaq, hərçənd, təşkilat digər vəzifəli şəxslə təmsil olunacaq.
