Bu gün qatardan düşərək "Koroğlu" stansiyasını tərk edən kişi sərnişin özünü pis etdiyi üçün yuxarı vestibüldə metro əməkdaşa yaxınlaşıb.
APA xəbər verir ki, metro əməkdaşları tərəfindən dərhal təcili tibbi yardım xidməti çağırılıb. Zahiri görkəminə görə, 45-50 yaş aralığında olan sərnişin az sonra dünyasını dəyişib.
Stansiyaya gəlmiş tibbi yardım personalı ölüm faktını təsdiqləyib.
Xəbəri "Bakı Metropoliteni" QSC yayıb.
