Milli Hidrometeorologiya Xidmətinin əvvəlcədən elan etdiyi kimi, mayın 27-də gözlənilən küləkli hava şəraiti haqqında Bakı və Abşeron yarımadası üçün orta riskli “sarı” xəbərdarlığı verilib.
Xidmətdən Ekologiya.az-a bildirilib ki, öncədən verilən sarı xəbərdarlığa uyğun olaraq Bakıda və Abşeron yarımadasında küləyin maksimal sürəti arabir 19 metr/saniyəyə çatıb. Müşahidə olunan küləkli hava şəraiti gün ərzində davam edəcək.
