Bakı, 12 may, AZƏRTAC
Mayın 12-də futbol üzrə Türkiyə Superliqasında 36-cı turun oyunları keçirilib.
AZƏRTAC xəbər verir ki, çempionluq uğrunda mübarizə aparan “Qalatasaray” və “Fənərbağça” turu itkisiz başa vurublar.
“Qalatasaray” səfərdə “Karagümrük”ü 3:2, “Fənərbağça” isə öz meydanında “Kayserispor”u 3:0 hesabları ilə məğlub ediblər.
Bu qələbələrdən sonra “Qalatasaray” 99 xalla turnir cədvəlinin lideridir. Ondan 6 xal geri qalan “Fənərbağça” ikinci pillədə qərarlaşıb. Üçüncü yerdə olan “Trabzonspor”un hesabında isə 61 xal var.
![](https://azertag.az/files/galleryphoto/2024/2/1200x630/17155371381980034002_1200x630.jpg)
![](https://azertag.az/files/galleryphoto/2024/2/1200x630/1715537138999925157_1200x630.jpg)