“Qərb Ermənistana regionda yanğın törətmək üçün alət rolunu verir” – Zaxarova

“Qərb Ermənistana yalnız regionda yeni böyük yanğını alovlandırmaq üçün alət rolunu verir”.
Yeniavaz.com xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə deyib.
“Onlar Qərbdə Cənubi Qafqazda sülhün qayğısına qalmaq haqqında nə qədər gözəl sözlər desələr də, Ermənistana ABŞ və Aİ-nin yeni böyük yanğını alovlandırmaq istədikləri alət rolu verilir”, - Zaxarova deyib.
Onun sözlərinə görə, Rusiya ABŞ və Avropa İttifaqı ilə hərbi-siyasi razılaşmalar haqqında informasiyanın mətbuatda yer almasından sonra Ermənistandan aydın reaksiya və rədd cavabı gözləyir.