"BBC Sport"un yaydığı məlumata görə, "Bayer 04"-in baş məşqçi Xabi Alonso "Liverpul" və "Bavariya" klublarının təklifindən imtina edib. Belə ki, ispaniyalı çalışdırıcı növbəti mövsüm də Leverkuzen təmsilçisində qalmaq istəyir.
42 yaşlı mütəxəssis "Liverpul"un təklifindən imtina edib. "Bavariya"nın prezidenti Uli Höness isə açıqlamasında bildirib ki, Alonsonu bu yay komandaya cəlb etmək imkansız görünür. Həm "Liverpul", həm də "Bavariya"nın baş məşqçiləri mövsümün sonunda klubu tərk edəcəklər. Bu komandaların yeni çalışdırıcılarının adlarına isə hələ ki aydınlıq gətirilməyib.
Mətləb Salahov
