Ağır zədə alan Ağabala nə vaxt meydana qayıdır? - Açıqlama

Uzun müddətdir ağır zədə səbəbindən yaşıl meydanlardan kənarda qalan Ağabala Ramazanov fərdi məşqlərə başlayıb.

Bu barədə QOL.az-a komandanın baş məşqçisi Şahin Diniyev məlumat verib.

O, Ağabalanın, eləcə də 3 aydır meydana çıxmayan David Qomisin 2 həftədən sonra oynaya biləcəyini qeyd edib:

“Ağabalanın zədəsi çox ciddi idi. Ancaq artıq hər ikisi fərdi məşqlərə başlayıb. İndi intenstiv məşqlər edirlər. Komanda ilə məşqə isə gələn həftə qoşulacaqlar. Onların 2 həftədən sonra oynamağa hazır olacağını düşünürəm. İki həftədən sonra durumlarına baxacağıq və lazım olan qərarı verəcəyik".

Qeyd edək ki, Ağabala Ramazanov ötən ilin noyabr ayında “Turan Tovuz"a qarşı matçda rəqib futbolçusu ilə toqquşmadan sonra yerdə qalıb. Huşunu itirən futbolçu daha sonra təcili tibbi yardım maşını ilə xəstəxanaya aparılıb. D.Qomis isə ötən ilin dekabr ayında əməliyyat olunub.