Türkiyəli tanınmış model İvana Sert istirahətə yollanıb.
BAKU.WS xəbər verir ki, o oğlu və həyat yoldaşı ilə Hind okeanında yerləşən Şri-Lankaya səyahət edib.
Bu barədə İvana sosial şəbəkə hesabında bildirib. O istirahətindən lentə alınan foto və videoları instaqram hesabında izləyiciləri ilə bölüşüb.
Onlar arasında İvananın Fil ilə lentə alınan əyləncəli görüntüləri də yer alıb.
İvana paylaşdığı videolara fillər haqqında kiçik məlumat da əlavə edib. O bildirib ki, Şri-Lankada fillər 19-cu əsrin əvvəllərindən bəri təxminən 65% azalıb. Hazırda onlar Şri-Lanka qanunları ilə qorunur.
