Taksi avtomobillərinin yarısının yaşı 15-dən çoxdur - Ekspert

Azərbaycanda taksi minik avtomobilləri üçün müəyyən edilmiş tələblər açıqlandı. Bunlardan biri buraxılış tarixindən 15 ildən artıq müddət keçən avtomobillərin taksi kimi fəaliyyətinin məhdudlaşdırılmasıdır.

Nəqliyyat sahəsi üzrə ekspert Eldəniz Cəfərov “Ölkə.Az”a açıqlamasında bildirdi ki, bazarda taksi fəaliyyəti göstərən köhnə avtomobillər daha çoxdur:

“Bu avtomobillərin təqribən 50%-nin yaşı 15 ildən çox ola bilər. Yeni qərarla bu avtonmobillər taksi fəaliyyətinə yararsızdırlar”. 

Ekspert yeni tələblərin üstünlüklərindən də danışıb. O bildirib ki, taksilərlə bağlı tələblər bu ilin yanvarın 1-dən elan olubnmalı idi. Lakin dövlət sosial yönümlü siyasəti davam etdirərək taksi fəaliyyəti ilə məşğul olan vətəndaşlarımıza bir qədər möhlət verdi:

“Tələblərin qoyulması doğru addımdır. Bu gün Bakı şəhərində həddindən artıq taksi fəasliyyəti ilə məşğul olan şəxslər var. Taksi fəaliyyətində peşəkarlar çalışmalıdır. Bura əyləncə üçün gələnlər, başqa işlərlə məşğul olmalıdır. Taksi peşəkar sahə kimi yenidən dirçəlməlidir. Bu fəaliyyət ictimai nəqliyyatın bir hissəsidir. Avtobus sürücüləri necə qaydalara əməl edirsə, taksi sürücüləri də belə  olmalıdır”.

Könül
Ölkə.Az