BMT: Qəzzada ölüm və dağıntılar görünməmiş səviyyədədir

Birləşmiş Millətlər Təşkilatı (BMT) Qəzzada ölüm və dağıntıların görünməmiş səviyyədə olduğunu bildirib.
Elchi.az xəbər verir ki, BMT Təhlükəsizlik Şurasında İsrail-Fələstin problemi ilə bağlı inkişaflar müzakirə edilib.
İclasda BMT-nin Yaxın Şərq Sülh Prosesi üzrə xüsusi koordinatoru Tor Vennesland üzv ölkələri videokonfrans vasitəsilə məlumatlandırıb.
Vennesland humanitar yardımın Qəzza zolağına çox çətin şərtlər altında çatdırıldığını, köçkünlər və davam edən münaqişələr səbəbindən humanitar yardım sisteminin dağılmaq ərəfəsində olduğunu bildirib.
Qəzzadakı vəziyyətin daha geniş bir bölgəyə sıçrama riskindən narahatlığını davam etdirdiyini bildirən Vennesland, Livan və İsrail arasında “Mavi xətt” olaraq təyin olunan bölgədə hər gün qarşılıqlı atəş açıldığını və bunun bir təhlükə yaratdığını ifadə etdi.
Vennesland, “İsrail və HƏMAS arasındakı qarşıdurmaların miqyası və Qəzzada ölüm və dağıntıların miqyası görünməmiş səviyyədədir və bunun şahidi olmaq çox çətindir. Qəzzada dinc əhalinin öldürülməsini birmənalı şəkildə pisləyirəm” -deyib.
Qəzzadakı humanitar vəziyyətdən dərin narahatlığını ifadə edən Wennesland Qərb Şəriyədəki hadisələri də narahatlıqla izlədiyini bildirib.
İordan çayının qərb sahilində və Şərqi Qüdsdə İsrail yaşayış məskənlərinin genişləndirilməsinə reaksiya verən Vennesland bunun gələcəkdə müstəqil Fələstin Dövlətinin mövcudluğunu təhlükə altına atdığını qeyd edib.Nuranə Məmmədova