Rusiyanın Yaroslav vilayətinin Borisoqlebsk Şəhər Məhkəməsi miqrasiya qanunlarını pozan Azərbaycan vətəndaşının Rusiyadan çıxarılması barədə qərar qəbul edib.
KONKRET.az lent.az-a istinadən bildirir ki, azərbaycanlının müəyyən edilmiş qalma müddəti bu il iyulun sonunda başa çatsa da, o, ölkəni tərk etməyib.
Məhkəmə işə baxarkən müəyyən edib ki, əcnəbi heç bir yerdə işləmir və bu səbəbdən müstəqil olaraq Rusiyanı tərk etmək üçün vəsaiti yoxdur. Ona minimum 2 min rubl məbləğində inzibati cərimə tətbiq edilib. O, federal büdcə hesabına – məcburi inzibati deportasiya vasitəsilə Rusiya Federasiyasından çıxarılacaq.
