Türkiyənin Milliyyətçi Hərəkat Partiyasının (MHP) lideri Dövlət Baxçalı qadağan olunmuş və Ankara tərəfindən tanınan terrorçu Kürdüstan Fəhlə Partiyasının (PKK) başqanı Abdulla Öcalanı parlamentdə çıxış etməyə və partiyanın buraxıldığını elan etməyə çağırıb. Yerli media Türkiyə prezidenti Rəcəb Tayyib Ərdoğanın hakim Respublika Alyansındakı müttəfiqinin gözlənilməz bəyanatını uzun müddətdir davam edən kürd probleminin həlli üçün “tarixi şans” adlandırıb.
Çərşənbə axşamı Milliyyətçi Partiya fraksiyasının iclasında çıxış edən Baxçalı bildirib ki, Mərmərə dənizindəki İmralı adasında ömürlük həbs cəzası çəkən Öcalanın təcrid olunması aradan qaldırılarsa, ona parlamentdə çıxış etmısinə imkan verilməlidir. “Əgər terrorçuların başçısının təcrid olunması aradan qaldırılarsa, o, parlamentə gəlsin, DEM partiyasının [kürdyönlü] fraksiyasının iclasında çıxış etsin, terrorun bitdiyini, [PKK] təşkilatının ləğv olunduğunu elan etsin,”- əvvəllər PKK ilə dialoqa imkan verməyən siyasətçi bildirib.
Həmin gün hakim Ədalət və İnkişaf Partiyasının fəalları ilə görüşdə çıxış edən Ərdoğan Baxçalının təşəbbüsünü birbaşa qeyd etməyib. O, ölkədə terror problemini həll etmək planlarını açıqlayıb, bu isə yerli telekanalların MHP liderinin sözlərinə dəstək kimi qiymətləndirilib. “Hər kəsin Türkiyənin gələcəyində terrora yer olmadığını başa düşməsini gözləyirik. Biz 40 yaşdan yuxarı qardaş və bacılarım köhnə Türkiyənin necə bir problemli olduğunu xatırlayırıq,”- ölkədə terrorla bağlı vəziyyəti PKK-nın kök səbəblərindən birinin olduğunu xatırladaraq o deyib.
Almaz Həsənli
