Müğənni, Bakıda fəaliyyət göstərən "Niel" şadlıq sarayının sahibi Elçin Hüseynova cərimə protokolu yazılıb.
Ölkə.az-ın Qaynarinfo-ya istinadən məlumatına görə, protokol İnzibati Xətalar Məcəlləsinin 428.7.1-ci (müvafiq icazə olmadan, həmçinin onun tələbləri pozulmaqla açıq məkanda reklam yerləşdirilməsi) maddəsi ilə tərtib olunub.
İşə Nəsimi Rayon Məhkəməsinin hakimi Solmaz Mustafayevanın sədrliyi ilə baxılacaq.
İnzibati Xətalar Məcəlləsinin 428.7.1-ci maddəsinə əsasən, açıq məkanda reklam haqqında qanunvericiliyin pozulmasına, yəni müvafiq icazə olmadan, həmçinin onun tələbləri pozulmaqla açıq məkanda reklam yerləşdirilməsinə görə fiziki şəxslər 300 manatdan 500 manatadək, vəzifəli şəxslər 1500 manatdan 2500 manatadək, hüquqi şəxslər 5 000 manatdan 10 000 manatadək məbləğdə cərimə edilir.
Qeyd edək ki, Elçin Hüseynovun sahibi olduğu "Niel" şadlıq sarayının qanuni təmsilçisi müğənninin qardaşı Hüseynov Niyaz Əlipənah oğludur.
