Alimlər antibiotiklərin effektivliyinin sürətlə azaldığını bildirirlər. Bu barədə “Bild” qəzeti yazıb.

Reyting.az-ın məlumatına görə, İnfeksion Müalicə Cəmiyyətinin prezidenti Matias Plets deyib ki, yenidən müasir tibbin nailiyyətləri itirilir və penisilinin kəşfindən əvvəlki dövrə qayıdırıq.

Nəşrin müəllifləri antibiotiklərin effektivliyinin azalmasının iki əsas səbəbini qeyd ediblər: hətta tənəffüs yolları xəstəliklərinin müalicəsi üçün antibiotiklərin nəzarətsiz istehlakı və COVID-19 pandemiyasından sonra turist səfərlərinin sayının artması.

Antibiotiklərin çox vaxt nəzarətsiz təyin olunduğu, bəzən onlara ehtiyac olmadığı da qeyd edilir. Nəticədə, antibiotiklərə davamlı mikroorqanizmlər 2050-ci ilə qədər on milyonlarla insana təsir edə biləcək infeksiyalara səbəb ola bilər.

V. QULİYEV