Göyçayda yol qəzası baş verib.
Day.Az APA-ya istinadən xəbər verir ki, oktyabrın 18-də saat 23 radələrində Göyçay rayonunun Ləkçıplaq kəndi ərazisində "QAZ-24" və "VAZ-2105" markalı avtomobillər toqquşub.
Hadisə nəticəsində "VAZ"-ın sürücüsü, 1993-cü il təvəllüdlü Zamiq Kərimli aldığı xəsarətlərdən hadisə yerində ölüb, "QAZ-24"-ün sürücüsü, 1976-cı il təvəllüdlü Aqil Abdullayev və sərnişini, 1990-cı il təvəllüdlü Müşviq Əzizov xəsarət alıb.
DİN-in Mətbuat Xidmətinin Şəki regional qrupundan bildirilib ki, 1 nəfərin ölümü, 2 nəfərin xəsarət alması ilə nəticələnən yol-nəqliyyat hadisəsi ilə bağlı rayon Polis Şöbəsində cinayət işi başlanılıb, araşdırmalar davam etdirilir.
