İsrail Müdafiə Qüvvələri Tulkarm şəhərində HƏMAS terror şəbəkəsinin başçısını, eləcə də bir qrup digər terrorçunu məhv edib.
Bu barədə IDF Telegram kanalı məlumat yayıb.
Qeyd olunur ki, cümə axşamı, oktyabrın 3-də İsrail ordusu Tulkarm bölgəsinə (Fələstinin İordan çayının qərb sahilində yerləşən şəhəri - red.) zərbələr endirib və HƏMAS terror şəbəkəsinin rəhbəri, terrorçu Zahi Yasir Əbd ər-Razek Ufini məhv edib.
Hərbçilər bildiriblər ki, Ufi 2024-cü il sentyabrın 2-də İsrailin Ateret qəsəbəsində avtomobili partlatmağa cəhd etməyi planlaşdırıb və ona rəhbərlik edib. Terrorçu ərazidəki çoxlu sayda terrorçunu silahla təmin edib və Yəhudeya və Samariyadakı icmalara və İsrail cəbhəsinin qalan hissəsinə qarşı əhəmiyyətli sayda əlavə terror hücumları planlaşdırıb və istiqamətləndirib. Yaxın vaxtlarda Ufi yeni terror aktı törətməyi planlaşdırırdı.
İsrail hərbçiləri həmçinin qeyd ediblər ki, Ufi Yəhudeya və Samariyada İsrail vətəndaşlarına qarşı çoxsaylı əhəmiyyətli və ekstremal terror aktlarının planlaşdırılmasında və həyata keçirilməsində iştirak edib və bu hücumlar zamanı çoxlu sayda mülki şəxs yaralanıb.
Oxuməni.az
