Macarıstan Avropa İttifaqının (Aİ) Ukraynaya hərbi təlimatçı göndərmək planına qarşıdır.
Bu barədə Macarıstanın xarici işlər və xarici iqtisadi əlaqələr naziri Peter Siyarto bildirib.
“Təəssüf ki, bu, təhlükəli təklifdir və biz görürük ki, bu, [münaqişənin] eskalasiya riskini və buna görə də onun daha da yayılması riskini xeyli artıracaq. Bu, bizim üçün, Macarıstan üçün təhlükəlidir, çünki münaqişə kəskinləşərsə, minlərlə kilometr uzaqda deyil, ilk növbədə qonşuluqda olanlarda böyüyəcək”, - deyə Siyarto qeyd edib.
Nazir qeyd edib ki, Macarıstan Aİ-dən bu təklifə yenidən baxılmasını xahiş edib və plana mənfi münasibəti barədə ittifaqın xarici siyasət xidmətinə məlumat verib.
