Azərbaycan Həmkarlar İttifaqları Konfederasiyasının katibi, Audit şöbəsinin müdiri İlham Aslan vəzifəsindən azad edilib.
Mia.az unikal-a istinadla xəbər verir ki, bu barədə AHİK sədri Sahib Məmmədov əmr imzalayıb.
Qeyd edək ki, İ.Aslan Azərbaycan müdafiə nazirinin sabiq müavini — Əlahiddə Ümumqoşun Ordusunun sabiq komandanı general-polkovnik Kərəm Mustafayevin bacısı oğludur.
Yeri gəlmişkən, yeni sədr bir neçə gün əvvəl keçmiş sədr Səttar Mörhbalıyevin xanımı Böyükxanım Mirzə qızı Möhbalıyeva (AHİK-in Beynəlxalq əlaqələr departamentinin rəhbəri olub - MİA.AZ) vəzifəsindən azad edilib. Onunla yanaşı, sabiq sədrin daha bir neçə qohumu işdən uzaqlaşdırılıb.
Bununla yanaşı, Sahib Məmmədov dünən S.Möbalıyevin yerlisi - AHİK-in Audit şöbəsinin müdir müavini Orxan Həbibbəyli də vəzifədən azad edib.
Məlumat üçün qeyd edək ki, Orxan Həbibbəyli də AMEA prezidenti İsa Həbibbəylinin qardaşı oğludur.
Samir MUSAYEV
MİA.AZ
