Ermənistan öz destruktiv mövqeyindən əl çəkməli, beynəlxalq humanitar hüquq üzrə öhdəliklərini yerinə yetirməlidir. Bu barədə Azərbaycan prezidenti Əliyevin “İtkin düşmüş şəxslərin probleminin həlli: ailələrin həqiqəti bilmək hüququnun dəstəklənməsi” mövzusunda keçirilən beynəlxalq konfransın iştirakçılarına müraciətində deyilir.
“Əgər Ermənistan həqiqətən də Azərbaycanla sülh istəyirsə, əsir və girov götürülmüş azərbaycanlılara qarşı törədilən vəhşiliyi qətiyyətlə pisləməli, günahkarları cəzalandırmalıdır. Bu, həm də ölkələr arasında etimadın yaradılması üçün effektiv tədbirlərdən birinə çevrilə bilər”, - deyə müraciətdə vurğulanır.
Ülviyyə, Hurriyyet.az
