Məşhur sovet kino aktyoru, xalq artisti Vasili Livanov insult şübhəsi ilə Moskvada xəstəxanaya yerləşdirilib.
Azpost.info bildirir ki, Livanov SSRİ-nin populyar “Şerlok Holms və Doktor Vatson” serial filmində detektiv Şerlok Holms rolu ilə məşhurlaşıb.
89 yaşlı Vasili Livanov bazar günü şiddətli baş ağrısından şikayətlənib. Onun üçün təcili yardım çağırılıb. Aktyor Skilfosofski adına Təcili Tibbi Yardım İnstitutuna aparılıb. Hazırda o, müayinədən keçirilir.
“Şerlok Holms və Doktor Uotsonun sərgüzəştləri” ilə yanaşı, Livanov 40-dan çox filmdə də rol alıb: “Don Kixot qayıdır”, “Ustad və Marqarita” filmlrdə çəkilib. Aktyor cizgi filmlərini səsləndirib. Karlson, timsah Gena və “38 tutuquşu” filmindəki Boa Constrictor onun səsində danışır.
Xalq artisti rejissor kimi də fəaliyyət göstərib.
