Böyük Britaniyanın Azərbaycanda qızıl, mis və gümüş hasilatçısı olan “Anglo Asian Mining plc” mədənçilik şirkəti Gədəbəy yatağında yuma zavodunun normal istehsalına yenidən başladığını elan edib.
Banker.az xəbər verir ki, bu barədə şirkətdən bildirilir.
5 avqust 2024-cü il tarixində tullantı bəndinin divarının qaldırılmasına icazə verildikdən sonra “Anglo Asian Mining” qarışdırıcı yuyulma qurğusunun yenidən işə salınmasına başlamışdı.
Avqust ayında tullantı anbarının divarının qaldırılmasına icazə aldıqdan sonra zavodun işə salınması başa çatıb və 30 sentyabr 2024-cü il tarixinədək zavod 523 unsiya qızıl istehsal edib.
Şirkət noyabr ayında flotasiya emalına yenidən başlamağı və dekabr ayında Gilar mədənindən istehsala başlamasını planlaşdırır.
