ABŞ Müdafiə Nazirliyi (Pentaqon) Yaxın Şərqdə yerləşən hazırkı qüvvələrinə döyüş təyyarələri və bir neçə min canlı qüvvə göndərəcəyini açıqlayıb.
APA xəbər verir ki, bu qərar İsrailin Qəzza, Livan, Yəmən və Suriyaya artan hücumları fonunda verilib.
Qərarı Pentaqon rəsmisi Sabrina Sinqx gündəlik mətbuat konfransında açıqlayıb.
"Müdafiə Nazirliyi regionda təcavüzün qarşısını almaq və daha geniş regional müharibə riskini azaltmaq üçün Yaxın Şərqdə ABŞ qüvvələrinin güc mövqeyini daha da qüvvətləndirmək addımlar atır", - deyə Sinqx bildirib.
ABŞ hava hücumundan müdafiəni gücləndirmək üçün mövcud hərbi kontengentə əlavə olaraq “F-15E “Strike Eagle”, F-16, A-10 və F-22 döyüş təyyarələri və onlara xütmət göstərəcək bir neçə min personalı bölgəyə göndərəcək.
