Rusiyanın Baş naziri Mixail Mişustin sentyabrın 30-da Tehrana səfər edəcək və İran prezidenti Məsud Pezeşkian və ölkənin birinci vitse-prezidenti Məhəmməd Rza Areflə danışıqlar aparacaq. Yeniavaz.com xəbər verir ki, bu barədə Rusiya hökumətinin mətbuat xidməti məlumat yayıb. Bildirilib ki, görüşdə Rusiya-İran əməkdaşlığının bütün spektrinin ticarət-iqtisadi, mədəni və humanitar sahələrdə müzakirəsi planlaşdırılır. “Nəqliyyat, energetika, sənaye, kənd təsərrüfatı və digər sahələrdə birgə iri layihələrin həyata keçirilməsinə xüsusi diqqət yetiriləcək”, - deyə məlumatda qeyd olunub.