Mingəçevirdə sahibsiz it küçədə 42 yaşlı kişini dişləyib.
Turanpress.org "Unikal"a istinadla xəbər verir ki, hadisə axşam saatlarında Bağlar yaşayış massivi ərazisində baş verib. Küçədə dolaşan sahibsiz it 1982-ci il təvəllüdlü şəhər sakini Misir Mustafayevə hücum edərək onu dişləyib. Xəstəxanaya çatdırılan kişiyə zəruri tibbi yardım göstərilərək ona quduzluq əleyhinə vaksin vurulub.
