Lissabon klubunda yeni təyinat

“Benfika”nın yeni baş məşqçisi müəyyənləşib.

"Football-plus.az" xəbər verir ki, komanda portuqaliyalı mütəxəssis Bruno Lajeyə tapşırılıb. Onunla müddəti 2026-cı ilin yayınadək nəzərdə tutulan müqavilə imzalanıb. Təcrübəli mütəxəssis sentyabrın 1-də “Moreyrense” ilə 1:1 hesablı heç-heçədən sonra klubu tərk edən Rocer Şmidtə xələf olub.

48 yaşlı Laje 2019-cu ilin yanvarından 2020-ci ilin iyun ayına qədər də “Benfika”nı çalışdırıb. O, daha əvvəl 6 ay “Benfika B”yə rəhbərlik edib.