OpenAI, 5 milyard dollarlıq zərərlə iflas edə bilər!

     OpenAI, əsasən Microsoft tərəfindən dəstəklənir. İndiyə qədər Microsoft-un OpenAI-a 13 milyard dollar sərmayə qoyması aysberqin yalnız görünən hissəsidir. Şirkətin süni intellekt modelləri də Microsoft-un serverlərində işləyir. Əvvəlki açıqlamalara görə, sadəcə ChatGPT-nin işlək vəziyyətdə saxlanması gündə 700.000 dollara başa gəlir və bu məbləğ, daha çox inkişaf etmiş modellərlə artmağa davam edir.     Bu kontekstdə, daha əvvəl açıqlanmayan maliyyə məlumatlarına əsaslanan hesabata görə, OpenAI 2024-cü ildə 5 milyard dollar itirəcək. Məlumatlara görə, şirkət daha çox kapital toplamasa, 12 ay ərzində öz likvidini istehlak edəcək və iflasla üzləşəcək. Hesabatda qeyd edilir ki, şirkət süni intellekt modellərinin hazırlanması üçün 7 milyard dollar və işçi heyəti üçün 1.5 milyard dollar xərcləmək yolundadır. Təkcə bu xərclər, rəqiblərinin 2024-cü il üçün xərc təxminlərini kilometrələrlə önünə keçir. Gəlir tərəfində bildirilir ki, OpenAI hər il ChatGPT-dən 2 milyard dollar və dil modellərinin (LLM) daxil olmaq haqqından əlavə 1 milyard dollar gəlir əldə edir. Bunların əməliyyat xərclərini əhatə etmədiyi vurğulanır.