Ukrayna ABŞ-ın Rusiyaya zərbələri ilə bağlı məhdudiyyətləri aradan qaldırmağa çalışır
Vaşinqtonda keçirilən NATO sammiti zamanı Ukrayna Amerika silahlarının Rusiya ərazisinə hücumlarına qoyulan məhdudiyyətlərin aradan qaldırılmasına nail olmağı planlaşdırır. Bu barədə “Politico” qəzeti Ukrayna prezidenti Vladimir Zelenskinin ofisinin rəhbəri Andrey Ermakla müsahibəyə istinadən yazır.“Ukrayna NATO-nun bu həftə keçiriləcək sammitində Bayden administrasiyasına Rusiya ərazisində ABŞ-ın verdiyi silahların istifadəsinə qoyulan bütün məhdudiyyətləri aradan qaldırmaq üçün təzyiqi artırmağı planlaşdırır”, - nəşr yazır.