İngiltərənin “Liverpul” klubu qapıçısı Adrianla yollarını ayırıb.
News365.az xəbər verir ki, bu barədə klub sosial şəbəkə hesabında bildirilib.
“Adrian “Liverpul”u tərk edir. “Enfild”də keçirdiyi 5 il ərzində o, klubun uğurlarına dəyərli töhfə verib. Həm komanda yoldaşları, həm də personal arasında önəmli biri olan Adrian ən xoş arzularla “qırmızılar”ı tərk edir. Hər şey üçün təşəkkür edirik”, – məlumatda qeyd olunub.
Adrian ötən mövsüm "Liverpul"da bir matça belə çıxmayıb. Ümumilikdə Mersisayd təmsilçisinin heyətində keçirdiyi 26 oyunda 36 qol buraxıb və 7 dəfə qapısını toxunulmaz saxlayıb.
