Bütün il və bütün həftə gözlədiyimiz o mübarək günü... Tətil! Sizcə, ildə bir dəfə də olsa rastlaşdığımız qısa tətilləri kim və nə üçün müəyyənləşdirdi? Bizimyol.info "webtekno"ya istinadən xəbər verir ki, nə yay tətili, nə də həftə sonu tətili heç birimizə bəs etmir. Üstəlik, bir çox insan həftə sonlarının şənbə və bazar günləri olmasından şikayətlənir. Bütün bunların əslində böyük bir səbəbi var! Bayram günlərinin müəyyən edilməsi tarix boyu müxtəlif amillərə əsaslanıb Bu günlər cəmiyyətin ehtiyacları, iqtisadi şərtlər, dini inanclar və ictimai hərəkatlar kimi müxtəlif amillərin birləşməsindən formalaşmışdır. Xüsusilə müasir həftəsonu konsepsiyasının mövcudluğu uzun müddətin məhsuludur və təbii ki, müxtəlif ölkələrdə müxtəlif yollarla baş verib. 19-cu əsrdə Sənaye İnqilabı ilə iş şəraitinin dəyişməsi fəhlə sinfini öz hüquqlarını axtarmağa və daha yaxşı iş şəraiti tələb etməyə sövq edib. Zavod işçilərinin uzun və ağır iş saatları, aşağı maaşlar və qeyri-kafi istirahət günləri həmkarlar ittifaqları və işçi hüquqları müdafiəçilərinin mübarizəsi ilə dəyişib. Bu dövrdə işçilərin dincəlməsi və ailələri ilə vaxt keçirməsi zərurətini nəzərə alaraq, həftə sonu tətili ideyası getdikcə daha çox yayılıb Bununla belə, bayram tarixlərinin müəyyən edilməsi və qəbul edilməsi çox uzun və məşəqqətli bir proses olub. Xüsusilə İngiltərədə “Müqəddəs Bazar ertəsi” ənənəsinin doğulması ilə işçilərin bazar ertəsini istirahət günü kimi qəbul etməsi və bunun üçün tələblər irəli sürməsi bayramlar üçün böyük bir addım idi. Amma bugünkü həftəsonu məntiqi birdən-birə bu formanı almayıb. 20-ci əsrin əvvəllərində işəgötürənlər, dini qruplar, əyləncə sənayesi və işçilər müxtəlif səbəblərdən həftəsonu tətilini dəstəklədikləri zaman ümumiyyətlə qəbul edilib. Nə dedik? Hər ölkədə bayramlar eyni deyildi İngiltərə və Fransada belə olsa da, Türkiyə ilk dövlət bayramı ilə Cümhuriyyət sayəsində tanış olub. Cümə günü Osmanlı İmperiyasında 1839-cu ildən sonra, Türkiyə Respublikasında isə 2 yanvar 1924-cü ildən sonra rəsmi bayram elan edilib. Ancaq bu, təxminən 10 il sonra bu gün bildiyimiz forma çevrilib. 27 aprel 1935-ci ildə Avropa ilə əlaqələrin artmasının gətirdiyi modernləşmə çətiri altında qanun qəbul edilib. Bu qanuna əsasən həftəlik tətil cümə günündən bazar gününə keçirilib. Qadir, Bizimyol.info
