1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Captain America: Brave New World" ("Kapitan Amerika 4") filminin istehsal büdcəsi 350 milyon dolları keçərək, onu tarixin ən bahalı filmlərindən birinə çevirib.
Məlumata görə, əgər işlər əvvəlki qaydada davam edərsə, filmin xərcləri 375 milyon dolları keçə bilər.
Qeyd edək ki, indiyədək kino tarixinin ən bahalı filmləri "Karib dənizinin quldurları: Qərib dənizlərdə" (378,5 milyon dollar), "Qisasçılar: Final" (356 milyon dollar), "Avatar: Suyun Yolu" (350 milyon dollar) "Forsaj 10" (340 milyon dollar) olub.
"Kapitan Amerika 4" üçün ilkin büdcə 275 milyon dollar təsdiqlənib. Lakin 22 günlük genişmiqyaslı çəkilişlər sayəsində bu məbləğ xeyli artıb.
Xatırladaq ki, qarşıdan gələn film Marvel Kinematik Kainatının beşinci mərhələsinin sonuncu filmi olacaq.
"Kapitan Amerika 4"ün premyerası 14 fevral 2025-ci ildə baş tutacaq.
Mənbə: championat.com
