Yaponiya zədələnmiş “Fukusima-1” atom elektrik stansiyasından radioaktiv suyun buraxılmasının yeddinci mərhələsinə başlayıb.
KONKRET.az xəbər verir ki, bu barədə “Tokyo Electric Power” (TEPCO) operatoru məlumat yayıb.
İşlərin iyulun 16-dək başa çatdırılması nəzərdə tutulub. Mütəxəssislər bu müddət ərzində 7800 tona yaxın potensial təhlükəli suyun axıdılmasını planlaşdırırlar. Ümumilikdə, TEPCO artıq altı oxşar maye partiyasını okeana buraxıb – onun ümumi həcmi 47 min tona çatır. Eyni zamanda, bu müddət ərzində AES ətrafında toplanan dəniz suyunda radiasiyanın səviyyəsi keçilməyib.
Qeyd edək ki, 2024-cü ilin fevralında “Fukusima-1″də radioaktiv su sızması baş verib. 5,5 ton çirklənmiş maye okeana daxil olub. Maye Atom Elektrik Stansiyasında bir sistemin yerləşdiyi binanın divarından sızıb.
Xatırladaq ki, Yaponiya 2023-cü ilin avqustunda “Fukusima Daiiçi” Atom Elektrik Stansiyasından radioaktiv su buraxmağa başlayıb. Zədələnmiş reaktorları soyutmaq üçün istifadə olunan maye 62 növ radionukliddən təmizlənib. Yaponiya hakimiyyət orqanları okeana axıdılan suyun tərkibindəki bu maddənin miqdarı normaya çatana qədər mayeləşdiriləcəyini deyiblər. Fon radiasiyası normadan artıq olmamalıdır.
Rəsmiyyə Şərifova,
KONKRET.az
