Polis əməkdaşları ötən gün ölkə ərazisində 16 kiloqramdan çox narkotik aşkarlayıblar.
Bu barədə Gundem.az-a Daxili İşlər Nazirliyinin (DİN) Mətbuat xidmətindən məlumat verilib.
Bildirilib ki, keçirilən əməliyyat tədbirləri ilə iyunun 25-də ümumi çəkisi 16,4 kiloqrama yaxın narkotik, həmçinin kultivasiya yolu ilə yetişdirilmiş 143 ədəd çətənə kolu aşkar olunaraq götürülüb.
Bu istiqamətdə mübarizə tədbirləri davam etdirilir.
