Çexiya - Türkiyə oyununun hakimləri müəyyənləşdi

AÇ-2024-ün qrup mərhələsinin sonuncu turunda keçiriləcək Çexiya - Türkiyə oyunu üçün hakim təyinatları açıqlanıb.

"Football-plus.az" UEFA-nın saytına istinadən xəbər verir ki, matçı Rumıniya Futbol Federasiyasından İştvan Kovaç idarə edəcək. Ona həmyerliləri Vasile Marinesku vəOvidiu Artene köməklik göstərəcək. Dördüncü hakim funksiyasınıEspen Eskas (Norveç) yerinə yetirəcək.

Qeyd edək ki, iyunun 26-sı keçiriləcək Çexiya - Türkiyə görüşü Bakı vaxtı ilə saat 23.00-da başlayacaq.