Məşhur tennisçi, televiziya şərhçisi, SSRİ-nin əməkdar idman ustası Anna Dmitriyeva 84 yaşında vəfat edib.
Bu barədə Rusiya Tennis Federasiyası məlumat yayıb.
Onun ölümünün səbəbi açıqlanmayıb.
Qeyd edək ki, Anna Dmitriyeva müxtəlif kateqoriyalar üzrə 18 dəfə SSRİ çempionu olub. O, Beynəlxalq Tennis Federasiyasının (ITF) 12 turnirində qalib gəlib. 1964-cü ildə SSRİ-nin əməkdar idman ustası adına layiq görülən Dmitriyeva 1975-ci ildən şərhçi kimi fəaliyyət göstərib.
Tarix: 24 İyun 2024, 14:03
