Lənkəran, 21 iyun, AZƏRTAC
Lənkəranda yanğın baş verib.
AZƏRTAC-ın bölgə müxbiri xəbər verir ki, bu gün səhər saatlarında Lənkəran şəhərinin "Böyük Bazar" ərazisində yerləşən mağazada yanğın olub. Hadisə yerinə Fövqəladə Hallar Nazirliyinin Yanğından Mühafizə Hissəsinin texnikası və canlı qüvvəsi cəlb olunub.
Görülən tədbirlər nəticəsində yanğın söndürülüb, digər tikililərə keçməsinin qarşısı alınıb.
