Beyləqanda ağır yol-nəqliyyat hadisəsi baş verib.
Bizim.Media-nın yerli bürosunun əldə etdiyi məlumata görə, hadisə Bəhramtəpə-Aran qəsəbəsi magistralının Beyləqan rayon Binnətli kəndi ərazisindən keçən hissəsində baş verib.
Belə ki, hərəkətdə olan "VAZ" markalı avtomobil qarşıdan gələn "Mercedes Sprinter" markalı avtomobillə toqquşub. Hadisə nəticəsində "VAZ"da olan 2 nəfər həyatın itirib, 2 nəfər isə yaralanıb. Yaralılar Beyləqan Mərkəzi Rayon Xəstəxanasına çatdırılıb. Faktla bağlı araşdırma aparılır.
Elgün Gəncimsoy, Bizim.Media, Qarabağ bürosu