Birləşmiş Ştatlar Rusiya ilə Şimali Koreya arasında münasibətlərin son vaxtlar dərinləşməsindən narahat olduğunu bəyan edib.Ağ Evin Milli Təhlükəsizlik Kommunikasiyalar üzrə müşaviri Con Kirbi gündəlik mətbuat konfransında sualları cavablandırıb.Kirbi Rusiya prezidenti Vladimir Putinin 18-19 iyun tarixlərində Şimali Koreyaya səfəri ilə bağlı suala "Biz bu səfərdən narahat deyilik. Bizim narahatçılığımız iki ölkə arasında əlaqələrin dərinləşməsidir" cavabını verib.Kirbi iki ölkə arasında münasibətlərin dərinləşməsindən narahat olduqlarını, təkcə Rusiyanın Ukraynadakı hədəfləri vurmaq üçün Şimali Koreya raketlərindən istifadəsinin təkcə Ukrayna xalqına vuracağı təsirə görə deyil, həm də Koreya yarımadasının təhlükəsizliyinə təsir edə biləcəyinə görə narahat olduqlarını bildirib.Bölgədə hələ çox ciddi parametrlər görmədiklərini qeyd edən Kirbi, "Biz yenə də bunu çox yaxından izləyəcəyik" deyib.
