Almaniyaya qarşı keçirilən Avro-2024-ün açılış oyununda (1:5) qırmızı vərəqə alan Şotlandiya millisinin müdafiəçisi Rayan Porteusun cəzası məlum olub.
QOL.az xəbər verir ki, İlkay Gündoğana qarşı kobud oynadığı üçün meydandan qovulan 25 yaşlı futbolçu UEFA İntizam Komitəsi tərəfindən 2 oyunluq cəzalandırılıb. Bu səbəbdən də Porteus Avro-2024-ün qrup mərhələsində İsveçrə və Macarıstana qarşı keçiriləcək matçları kənardan izləyəcək.
O, yalnız Şotlandiya millisi 1/8 finala vəsiqə qazanacağı halda Avro-2024-də yenidən meydana çıxa bilər.
