Avropada 95 milyona yaxın insan yoxsulluq riski ilə yaşayır

Keçən il Avropa İttifaqında (Aİ) təxminən 95 milyon insanın yoxsulluq riski ilə üzləşdiyi bildirilib.

525.az xarici mediaya istinadən xəbər verir ki, Avropa Statistika İdarəsi (Eurostat) 2023-cü ildə Aİ ölkələrində yoxsulluq və sosial təcrid riski altında yaşayanlar haqqında məlumat dərc edib.

Müvafiq olaraq, keçən il Aİ-də əhalinin 21 faizi yoxsulluq və ya sosial təcrid riski ilə üzləşib.

Yoxsulluq həddində yaşayan insanların nisbətinin ən yüksək olduğu ölkələr 32 faiz ilə Rumıniya, 30 faiz ilə Bolqarıstan, 27 faiz ilə İspaniya və 26 faizlə Yunanıstan olub.

Yoxsulluğun və ya sosial təcridin ən aşağı olduğu ölkələr 12 faizlə Çexiya, 14 faizlə Sloveniya, 16 faizlə Finlandiya və Polşa olub.

Qeyd edək ki, yoxsulluq səviyyəsi Almaniyada 21,3 faiz, Fransada 20,4 faiz, İtaliyada isə 22,8 faiz təşkil edib.

Malik Atilay






















Bizi İnstagramda izləyin