Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyevin iştirakı ilə NATO-nun Daimi Nümayəndələrinin Müavinləri Komitəsinin üzvlərinin görüşü keçirilib.
“İki sahil” xəbər verir ki, bu barədə Azərbaycanın NATO-dakı nümayəndəliyinin rəhbəri Cəfər Hüseynzadə “X” sosial şəbəkəsindəki hesabında paylaşım edib.
O qeyd edib ki, H.Hacıyev NATO-Azərbaycan tərəfdaşlığının cari vəziyyəti və gələcək perspektivləri, Azərbaycanın regional məsələlərdə və enerji təhlükəsizliyində mühüm rolu, COP29-a hazırlıq prosesi, iqlim və yaşıl həmrəylik gündəliyi, eləcə də Ermənistanla normallaşma prosesi və sülh gündəminin irəliləməsi barəsində tərəfdaş ölkələrlə səmərəli müzakirələr aparıb.
