Bakı. TurkicWorld:
BMT Yəməndə saxlanılan təşkilatın bütün işçilərini azad etməyə çağırır və casusluq ittihamlarını rədd edir.
TurkicWorld-in məlumatına görə, bu barədə BMT-nin İnsan Haqları üzrə Ali Komissarı Folker Türk deyib.
"BMT-nin 13 əməkdaşı, o cümlədən mənim idarəmdən altısı saxlanıldıqdan sonra mən Sənadakı faktiki Yəmən hakimiyyətini onları dərhal və qeyd-şərtsiz azad etməyə çağırıram", - deyə F.Türki bildirib.
O, həmçinin BMT və beynəlxalq qeyri-hökumət təşkilatlarına üzv olduqlarına görə saxlanılan digər şəxslərin də azad edilməsinə çağırıb.
F.Türk əlavə edib ki, o, saxlanılan işçilərə qarşı husilərin ittihamlarını qəti şəkildə rədd edir və onların saxlanma şəraitindən dərin narahatdır.
