U-17 millimiz Albaniyaya gedəcək - 2 yoxlama oyunu üçün

17 yaşadək futbolçulardan ibarət Azərbaycan milli komandasının (U-17) bu ay iki mərhələli təlim-məşq toplanışı olacaq.

Arena.az xəbər verir ki, bu barədə AFFA-nın rəsmi saytı əlumat yayıb.

Xəbərdə bildirilir ki, millimiz əvvəlcə iyunun 13-dən 14-nə qədər Bakıda hazırlıq keçəcək. Toplanışın ikinci mərhələsi iyunun 15-dən 20-dək Albaniyanın Dürres şəhərində baş tutacaq.

U-17 yığmamız hazırlıq zamanı Albaniyanın müvafiq yaş qrupundan ibarət komandası ilə 2 yoldaşlıq görüşünə çıxacaq. İlk matç iyunun 17-də, ikinci qarşılaşma isə 19-da reallaşacaq. “Eqnatiya Arena”da təşkil olunacaq hər iki oyun Bakı vaxtı ilə saat 20:00-da başlayacaq.

Hazırlıq prosesinə dəvət olunmuş futbolçuların siyahısını diqqətinizə çatdırırıq:

1. Məhdi Həsənov – Neftçi
2. Rauf Əyyubov – Sabah
3. Həzrət Səmədov – Sabah
4. Fərid Cabbarlı – Zirə
5. Əlibəy Mahmudov – Sabah
6. Tuncay Əhmədov – Marset (İspaniya)
7. Nadir Nəsibli – Marset (İspaniya)
8. Səttar Tahirzadə – Marset (İspaniya)
9. Muhammad Çodarov – Marset (İspaniya)
10. Murad Qurbanov – Zirə
11. Sinan Mehdizadə – Marset (İspaniya)
12. Nihad İsaqov – Kəpəz
13. Əli Qazibəyov – Qarabağ
14. Emil Həsənov – Sumqayıt
15. Abdulaziz Cabbarlı – Qarabağ
16. İbrahim Babayev – Servette (İsveçrə)
17. İslam Həsənov – Srvena Zvezda (Serbiya)
18. İbrahim Xəlilov – Sabah
19. Ümid Səlimov – Sabah
20. Əli İbrahim – Qarabağ