Azərbaycanın amputant millisi sonuncu oyunda məğlub olub
Azərbaycanın futbol üzrə amputant millisi Fransanın Evian şəhərində təşkil olunan Avropa çempionatında sonuncu oyununa çıxıb.
"Report"un məlumatına görə, yığma 9-cu yer uğrunda qarşılaşmada Niderland kollektivi ilə üz-üzə gəlib.
Qarşılaşma rəqibin minimal hesablı qələbəsi ilə bitib - 1:0.
Qeyd edək ki, qrup mərhələsində İrlandiya (0:1) və Türkiyəyə (1:12) uduzan milli İsraillə heç-heçə edib - 1:1. Komandamız ilk qələbəsini 9-16-cı yerlər uğrunda qarşılaşmada Yunanıstan millisi üzərində qazanıb - 2:1. Yığma 9-12-ci yerlər uğrunda matçda Şotlandiyanı eyni hesabla üstələyib.
